2008/9/21                                                          星期日                                                                晴

《船》

有一條小小的船

飄泊過東南西北，西北東南。

盛載了多少憧憬，多少夢幻。

船兒美麗，夢兒旖旎，

穿過海洋，渡過河川，

來來往往無牽掛。

春去秋來，時光荏苒，

憧憬已渺，夢兒已殘，

美麗的小船，

不復昔日的光輝燦爛﹗

經過風暴，涉過險灘，

盛滿時光，載滿苦難，

何時才能卸下這沉沉重擔？

經年累月，飄泊流連，

白日苦短，夜來苦寒，

何處是我避風的港灣？

我已疲倦，我已顜頇，

憧憬已渺，夢兒已殘，

何處是我停泊的邊岸？

我已疲倦，我已顜頇，

何處是我停泊的邊岸？

憧憬已渺，夢兒已殘，

何處是我避風的港灣？

節錄--《船》 瓊瑤小說

2008/3/28                      星期四                           晴

        早幾日同班同學去了福建，剛巧碰到台灣大選，一海之隔見到馬英九高票當選，感覺既興奮又心酸，仲有點妒忌﹗

        人地馬英九都係在香港出世，在廣華醫院長大。一歲離開了香港去了台灣，為台灣實現了不可能的民主制度，又令台北市的市容全面改變過來。昔日的骯髒和黑金政治亦離去了，最重要係令台灣人可以在兩岸三地驕傲地同人講︰

我地個政府係民主的，係我地選領導人出黎。我地既經濟實業產業科技同民主之路係我地台灣人自己拼出來的，不是你地靠阿爺那些小恩小惠QDII自由行CEPA直通車之流可以相提並論。你地班港仔唔係英國政府管治之下就變左無能用，淨係識得自己固自己，係咁搵錢，個社會變成點唔X關自己事。就算連保衞一個前朝的小小歷史建築都唔Q掂，淨係識得係咁炒股，一味識得笑D大陸人無文化，台灣人火爆唔文明，澳門人淨係識得賭，簡直係五十步笑一百步。成日係到標旁自己自由開放民主，連去西藏採訪都唔Q敢，一味只識刷阿爺鞋。阿爺話東，無人敢話西。好彩我地台灣之寶小馬哥唔係在你地個度讀書長大，唔係就變左第二個擦鞋仔，連定邊年普選都大話西遊，一D承擔都無﹗

我地雖然無你地有咁耐既法治傳統和公民意識，但隨著民主化，台灣既朝氣，既活躍力一定比你地高。至少我地可以平等同共產黨協商，背後又有美國撐腰。大陸點都唔敢對我地亂來。你地，哈，遲X早港深一體化，你地咪變左第二個深圳，咪好囉，同聲同氣，香港人變成大陸燦﹗遲早既事﹗

97之前，我地台灣人黎香港既時候都好自卑，你地有法治，有人材，有文化，有修養。D樓D人又靚又新又光鮮，做事有效率又快﹗簡直係華人既榜樣。十年後，人材凋零，產業收窄，文化倒退，學埋共產黨D野，一味搞內鬥﹗唔好同人講話你地曾經係亞州四小龍添呀﹗

唔好話唔教精你地香港人，要掂先唔好一味靠阿爺，唔係你地遲X早玩完﹗有咩就賴人，你地有爭取過咩﹗我地民主之路，撇開黨禁之路都係要經過長年累月既街頭抗爭，用鮮血換黎的。你地以為03年係咁由維園行到中環個幾步路就可以叫阿爺俾民主你，真係太天真太傻﹗唔怪之D人係會睇低你地香港啦﹗

今日，我地那個在香港出生，台灣長大的小馬哥當選做總統，一定會搞三通。到時由台灣乘船去福建只要幾粒鐘，搭飛機只要個多小時就到，唔駛靠你地香港做轉口﹗再遲D，哈，我地做埋人民幣兌換生意，食埋你地金融條水，你地香港仔等乞米啦﹗

聽完之後，唔多唔少都會有點滴汗﹗

2008/2/1                    星期五                                寒

        今天同朋友去了行年宵，還算不錯吧﹗去了阿wind那檔裡，買了些東西，然後便在銅鑼灣逛一陣，深夜才回家﹗

        早陣子回city，借了一本張小嫻既小說，書名很特別，叫《那年的夢想》。主角是24歲，剛同男朋友失戀，然後同剛與女朋友失戀的男姓朋友拍拖，後又不夾，又散了﹗依稀講了數個這樣的故仔。不過，最吸引我的，並不是書的內容，而是書名--那年的夢想﹗

        夢想，真的能經得起時代的考驗嗎？經得起誘惑和同輩的考驗嗎？有人同我講，一個男人最失敗的，並不是樣貎不好，亦不是沒有錢，而是唔知自己想點﹗這句簡直是經典的說話，即使我話是名人作家或政治家講，都無人會唔相信。我覺得這句說話同牛頓第二定律︰f=ma 的重要性是等同的﹗

           當你見到旁人繼續向前，而自己沿地踏步時，你便會覺得自己對自己的堅持是不是很荒謬呢﹗

當你見到從前相識的女朋友慢慢的離開你，走去搵一個現繩有錢又高兼好有前途既男仔時，你心酸也沒有人會同情你﹗

當你見到朋友前程似錦，搵錢越來越多時，自己所欲求做既事十劃沒有一撇，你羨慕同妒忌也只是表示自己一無事處﹗

當一班女人論及讀書時代的總總趣事，講及A、B、C君都邁向事業發展，發展得不錯，而講及自己則以憐憫和可憐既口吻時，你逃避他們的眼神只顯得你懦弱和膽怯﹗

當十年沒見的中學朋友聚會，大家出來講自己發展有多如意，你選擇唔出來或沉默寡言時，表示你的前程都係係咁先﹗

當自己去到一個年紀，不敢再同人講自己既理想和志願，而只想努力的生活好，砌一份好既CV出來，同人打好關係，為未來打算時，或者你已經長大了﹗

那年的夢想---或能堅持與否，或因現實情況而捨棄，最終的決定者，不是旁人，不是外來環境，而是自己﹗始終，自己知道自己想點才是人生的方向的最重要元素﹗

2008/1/30            星期三                                    寒冬

        上星期同Luke哥打War Game，不停咁係度射人，未射人時己先被人造瓜﹗感覺不爽，但亦覺得好好玩﹗不過，呢D唔可以常玩，好易勞損，同埋受傷﹗

        唔知想講什麼，只想胡亂的在這裡寫點東西。或者，我對打電話的工作有點感到乏味，但怎樣也是一個經歷吧﹗苦樂全在主觀之心，不在客觀之事﹗

2008/1/2                     星期三                             寒/晴

        或者，新的一年有好的開始。又或者，新的開始帶來新的衝擊。總之，一年就這樣過去了﹗

        聖誔節時，看了卡繆兩本小說。一本是《異鄉人》，另一本是《瘟疫》﹗後者是講述一個城市在40年代發生了一場瘟疫，初時人們毫不在意，但當瘟疫漸漸的迫近，而死亡人數又急劇增加時，政府才宣佈封城﹗任何人，不論本地人、外來人，還是達官貴人，誰也不能離開那個城市，直到瘟疫消散為止。整整一年多的時間，人們活在黑暗中，活在恐慌中，但當瘟疫結束後，人們便忘記了以往發生的事，還是照樣的歡愉﹗或者，追求快樂是人的生存目的來的，難道要想活在沒有快樂的日子﹗

──────────────────────────────────

        有沒有聽過費曼定理﹗這是16世紀的法國數學家費曼提出來的一條問題。問題很簡單-------

Xⁿ + Yⁿ = Zⁿ (X、Y、Z 是正整數，n 的數值是≧３)　

能證明這條定理是存在或否定嗎？

既然畢氏（Pythagoras）也能證明 X² + Y² = Z²  (X、Y、Z 是正整數)，那麼要證明費曼定理也應該不難吧﹗

這是一個很有趣的數學問題，較之在diary展開駡戰更為有趣﹗你們不如想想吧﹗